जब अमेजन बक्स लिएर भाग्यो भालु…
एक महिलाको अमेजन बक्स लिएर भालु भागेको भिडियो सार्वजनिक भएको छ ।
अहिले यो भिडियो भाइरल समेत भइरहेको छ ।
घटना अमेरिकाको ब्रिस्टलको हो ।
त्यहाँ एक महिलाले आफ्नो घरको ठेगानामा अनलाइन सपिङ एप अमेजनमा केही अर्डर गरेकी थिइन् ।
डेलिभरी गर्ने मानिसले सो अर्डर बक्स घरको बाहिर नै डेलिभरी गरिदिएको थियो ।
त्यसै समय एक भालु आयो र त्यो अर्डर बक्स उठाएर लिएर गयो ।
ब्रिस्टलमा बस्ने महिला क्रिस्टिन लेविनले आफ्नो अर्डर लिन बाहिर आउँदा त्यो अर्डर भेटिएन । त्यसपछि उनले अर्डर बक्स कसैले चोरी गरेको अनुमान लगाइन् र सिसीटीभी फूटेज हेरिन् ।
त्यसपछि उनी छक्क परिन्, त्यो अर्डर भालुले लिएर गएको रहेछ ।
