यी हुन् कर्णालीमा सह-महामन्त्रीसम्मका उम्मेद्वार

शनिबार विहान ७ बजेसम्म उम्मेदवारी उम्मेद्वारी फिर्ता हुने

सुर्खेत । नेपाली कांग्रेसको १४ औं महाधिवेशन अन्तर्गतको प्रदेश अधिवेशन कर्णालीमा विहिबारदेखि सुरु भएको छ । प्रदेश सभापतिका लागि तीन जनाले उम्मेद्वारी दिएका छन्  । शुक्रबारसम्म सभापतिका लागि तीन जनाले उम्मेद्वारी दर्ता गराएको निवार्चन समितिले जनाएको छ । 

निर्वाचन समितिका अनुसार, महामन्त्रीका लागि पाँच जनाले उम्मेद्वारी दर्ता गराएका छन्  । सहमहामन्त्रीका लागि ६ जनाले उम्मेद्वारी दर्ता गराएका छन्  । जस मध्ये चारजना पुरुष र दुई महिला छन्  । 

शुक्रबार साँझ ५ :४५ देखि ७ बजेसम्म दाबी विरोध रहने भएको निर्वाचन समितिले बताएको छ ।  शनिबार  बिहान ७ बजेसम्म  उम्मेदवारी उम्मेद्वारी फिर्ता हुनेछ ।  निर्वाचन समितिले सभापतिको उम्मेदवारका लागि १५ हजार अन्य पदाधिकारीको लागि ११ हजार र सदस्यका लागि ५ हजार शुल्क लिएको जानकारी गराएका छन्  । 

कर्णालीमा विशेष तय तीन समूह मैदानमा आएको छ । देउवा समूह, पौडेल समूह र निधि समूह मैदानमा आएको  छ । देउवा समूबाट ललितजंग शाहीले उम्मेद्वारी दिएका छन् । पौडेल समूहबाट भुपेन्द्रजंग शाहीले उम्मेद्वारी दिएका छन् भने निधि समूहबाट मोतिराज बमले उम्मेद्वारी दर्ता गराएका छन्  ।  

निर्वाचन समितिले उपलब्ध गराएको विवरण यस्तो छः 

सभापति :
– ललितजंग शाही 
– भुपेन्द्रजंग शाही 
– मोतिराज बम 

उपसभापतिमा : 
– कालीबहादुर सहकारी 
– सनतकुमारी कार्का
– देबेन्द्रबहादुर शाही
– तिलकबहादुर भण्डारी

महामन्त्रीमा : 

– निरञ्जन केसी
– कृष्णकुमार रोकाया
– कृष्णबहादुर वीसी 
– खगेन्द्रबहादुर मल्ल
– गोविन्दबहादुर कोइराला 

सहमहामन्त्री पुरुषतर्फ : 

– उपेन्द्रबहादुर थापा 
– एकराज डांगी 
– नेत्रलाल पौडेल 
– जयनन्द उपाध्याय

सहमहामन्त्री महिलातर्फ :

– रामछायाँकुमारी शाही 
– देविकाकुमारी सिँह