Skip to main content
२०७८ श्रावन २१, बिहिबार

विप्लव सरकारसँग वार्ता गर्न तयार

काठमाडौं । नेपाल सरकारले लगाएको प्रतिवन्ध फुकुवा गरे नेत्रविक्रम चन्द विप्लव समूह वार्ता बस्न सक्ने जनाएको छ । शनिबार विज्ञप्ति जारी गर्दै महासचिव विप्लवले वार्ता लागि सरकार तयार आफुहरु पनि तयार रहेको सकारात्मक सन्देश जनाएका छन् । विप्लवले त्यसका लागि आमजनसमुदायमा सहज गतिविधि र कार्यक्रम गर्ने वातावरण बन्ने अवस्था हुनुपर्ने सर्त तेर्स्याएका छन्। यो भनेको आफ्ना गतिविधिभाथि सरकारले लगाएको प्रतिबन्ध फिर्ता हुनुपर्छ भनिएको हो।

दुई वर्षअघि सरकारले विप्लव समूह हिंसात्मक भएको भन्दै उसका गतिविधि प्रतिबन्ध गरेको थियो।प्रतिबन्धपछि विप्लव समूहका थुप्रै नेता(कार्यकर्ता पक्राउ परेका छन्। कतिपय नेता अहिले जेलमा छन्।‘हाम्रो क्रान्ति राष्ट्र, समाज, अग्रगामी रुपान्तरण, जनसमुदायको हित र अधिकारका लागि गरिएको सचेत पहल हो,’ विज्ञप्तिमा विप्लवले भनेका छन्, ‘यसको प्रक्रियामा आम जनसमुदायमा सहज गतिविधि र कार्यक्रम गर्ने वातावरण बन्ने अवस्थामा हाम्रो पार्टी सरकारसँग संवाद र वार्ताको लागि सकारात्मक रहेको विषय सबैमा जानकारी गराउँदछौं।’केही समययता विप्लव माओवादी र सरकारबीच वार्ताको अनौपचारिक कुरा चलिरहेको छ।

No Comments yet!

Your Email address will not be published.


%d bloggers like this: