ठाटिकाँध गाउँपालिका स्तरीय राष्ट्रपति रनिङ शिल्ड प्रतियोगिता

दैलेख । ठाटिकाँध गाउँपालिकामा गाउँपालिका स्तरीय राष्ट्रपति रनिङ शिल्ड खेलकुद प्रतियोगिता माघ २५ गते बुधबार देखि गाउँपालिका युवा तथा खेलकुद शाखा प्रमुख नेत्र बहादुर थापाकाे अध्यक्षतामा ठाटिकाँध गाउँपालिका अध्यक्ष रक्ष बहादुर शाहकाे प्रमुख आतित्यथामा संचालन हुने भएकाे छ । गाउँपालिका भित्रका सम्पूर्ण माध्यामिक सामुदायिक विद्यालयहरूका खेल शिक्षकहरूको सहभागितामा बसेको बैठकले सो निर्णय गरेको शिक्षा, युवा तथा खेलकुद शाखा प्रमुख नेत्र बहादुर थापाले जानकारी दिए ।

गाउँपालिकाको सहयोगमा हुने कार्यक्रम २५ गते देखि २७ गते सम्म वडा नम्बर १ मा रहेकाे श्री कृष्ण माध्यमिक विद्यालयको प्राङ्गणमा सञ्चालन हुने भएको छ। प्रतियोगितामा गाउँपालिका अन्तर्गत सम्पूर्ण सामुदायिक विद्यालयहरूका माध्यामिक तहका विद्यार्थीहरूलाई सहभागी गराइने बताईएको छ। प्रतियोगितामा छात्र र छात्रा तर्फ अलग अलग भलिबल, कबड्डी, एथ्लेटिक्स, मार्सल आर्ट हाइजम्प, लङजम्प, त्रिपल जम्प, ज्यावलिङ थ्रो, सटफुट, कराँते, तेक्वान्दो ,उसु, खेल समावेश गरिएको छ ।